This image has an empty alt attribute; its file name is ecab.jpg

एनआरएनएद्धारा दुई लाख राशीको ‘अरनिको अन्तर्राष्ट्रिय पुरस्कार’ स्थापना

काठमाडौं। गैर आवासीय नेपाली संघ (एनआरएनए) को नेपाली भाषा, साहित्य, संस्कृति तथा सम्पदा समितिले ‘अरनिको अन्तर्राष्ट्रिय पुरस्कार’ स्थापना गरेको छ । विसं २०७७ मा लेखिएका गैर आवासीय नेपाली लेखकका नेपाली बाङमय क्षेत्रको एक उत्कृष्ट पुस्तकलाई पुरस्कृत गरिने भएको हो ।

यो पुरस्कारको राशी दुई लाख नेपाली रुपैँया छ । नेपाल र भारतबाहेक अन्य मुलुकका प्रवासी नेपाली लेखकले यसमा भाग लिन पाउनेछन् । यो पुरस्कार ब्यवस्थापनका लागि एनआरएनएको भाषा, साहित्य तथा सम्पदा समितिले एक छुट्टै समिति निर्माण गरेको छ । समितिका संयोजक हिक्मत थापा यसका संयोजक हुनुहुन्छ । समितिका सदस्यहरुमा नयनराज पाण्डे, निलम कार्की निहारिका, ददि सापकोटा र सदस्य सचिवमा महेश्वर पन्त हुनुहुन्छ ।

पुरस्कारका लागि एक सल्लाहकार समिति पनि गठन गरिएको छ । त्यसमा नेपाल प्रज्ञा प्रतीष्ठानका कुलपती गङ्गा प्रसाद उप्रेती, एनआरएनएका अध्यक्ष कुमार पन्त र एनआरएनएका पूर्व अध्यक्ष तथा लेखक जीवा लामिछाने हुनुहुन्छ । पुरस्कार प्रत्येक वर्षको गैर आवासीय नेपाली संघको साधारण सभा वा अक्टोवरमा हुने एनआरएन डे को अवसर पारेर दिईने छ ।

पुरस्कारका लागि उक्त अवधिमा लेखिएका पुस्तक समितिले संकलन गर्ने छ । यो अवधिका पुस्तक पठाउन लेखक, प्रकाशक, संघसस्था र लेखकका शुभचिन्तकलाई आह्वान समेत गर्ने छ ।

समितिका संयोजक हिक्मत थापाका अनुसार नेपाली लेखकहरुलाई सम्मान गर्न र अझै हौसला बढाउन तथा नेपाली भाषा तथा संस्कृतिको संरक्षणका लागि पुरस्कार स्थापना गरिएको हो ।


प्रकाशित | २४ जेष्ठ २०७८, सोमबार १२:१९

Leave a Reply

Your email address will not be published. Required fields are marked *

error: Content is protected !!