काठमाडौं– बहुक्षेत्रीय प्राविधिक तथा आर्थिक सहयोगका लागि बंगालको प्रयास (विमस्टेक) आजबाट शुरु हुँदैछ । सम्मेलनमा प्रधानमन्त्री शेरबहादुर देउवाले पनि सम्बोधन गर्दै हुनुहुन्छ ।
प्रधानमन्त्रीको सचिवालयका अनुसार प्रधानमन्त्री देउवाले प्रधानमन्त्री तथा मन्त्रिपरिषद्को कार्यालयबाट बिहान ९ बजे भर्चुअल रूपमा सम्मेलनलाई सम्बोधन गर्ने कार्यक्रम रहेको छ ।
सम्मेलनमा परराष्ट्रमन्त्री नारायण खड्का यसअघि नै श्रीलंका पुग्नु भएको थियो । उहाँले मंगलबार मात्र भारतीय विदेशमन्त्री एस जयशंकरसँग भेटवार्ता गर्नु भएको थियो ।
बिम्सटेकमा नेपालसहित भारत, श्रीलंका बंगलादेश, भुटान, म्यानमार र थाइल्यान्ड सदस्यको रुपमा छन् । सम्मेलनको अध्यक्षता श्रीलंकाले गर्नेछ । बिम्सटेकको पछिल्लो सम्मेलन सन २०१८ मा नेपालमा सम्पन्न भएको थियो ।
प्रकाशित | १६ चैत्र २०७८, बुधबार ०८:३४
