पोखरा : गण्डकी प्रदेशमा बिहीबार बिहान ७७ जना कोरोना संक्रमित थपिएका छन् । गण्डकी स्वास्थ्य निर्देशनालयका अनुसार बिहीबार बिहान ७७ संक्रमित थपिएका हुन ।
निर्देशनालयले बिहान तीन पटक कोरोना संक्रमितको अपडेट गर्दै बिहान ५ः ४५ बजेको विज्ञप्तीमा ४२ जना, बिहान ८ बजेको विज्ञप्तीमा पाँच जना र बिहान ९ बजेको विज्ञप्तीमा ३० जना नयाँ संक्रमित थपिएको जानकारी गराएको हो ।
बिहीबार बिहान गण्डकी प्रदेशको नवलपरासी पुर्वका ३१, तनहुँमा १५, गोरखामा ११, पर्वतमा ९, स्याङ्जामा ९, बागलुङमा १ र मनाङमा १ जनामा कोरोना संक्रमण पुष्टी भएको हो । यो सँगै गण्डकी प्रदेशमा कोरोना संक्रमितको संख्या ३२४ पुगेको छ ।
मनाङको चामे गाउँपालिकामा कार्यरत कविलवस्तु जिल्लाको बाढगंगा निवासी ५७ वर्षीय पुरुष बाहेक अरु सबै भारतबाट आएर स्थानीय तहको क्वारेन्टाइनमा बसेका व्यक्तिहरु रहेको जनाइएको छ ।
गण्डकी स्वास्थ्य निर्देशनालयका निर्देशक डा. विनोदविन्दु शर्माकाअनुसार मनाङमा कार्यरत ति व्यक्ति केही समय अगाडि कपिलवस्तु स्थित घर पुगेर मनाङ फर्किएकाले परीक्षणका क्रममा कोरोना संक्रमण देखिएको थियो । गण्डकी प्रदेशको मनाङमा पहिलो पटक कोरोना संक्रमण पुष्टी भएको हो ।
![स्वास्थ्य निर्देशनालय, गण्डकी प्रदेश को फोटो।](https://scontent.fktm7-1.fna.fbcdn.net/v/t1.0-9/s960x960/104290104_163256068515512_8537111261314096010_o.jpg?_nc_cat=109&_nc_sid=8024bb&_nc_oc=AQnGjhxbxAFI979WTh8YnAsm6vu_oUmnI7Wrme_SMrvfXdhrx4eaeCsWEqol9jHx5Ro&_nc_ht=scontent.fktm7-1.fna&_nc_tp=7&oh=396cd049373be49c5f8fe0f23c002660&oe=5F101355)
![स्वास्थ्य निर्देशनालय, गण्डकी प्रदेश को फोटो।](https://scontent.fktm7-1.fna.fbcdn.net/v/t1.0-9/s960x960/104446648_163246168516502_304648157194296002_o.jpg?_nc_cat=103&_nc_sid=8024bb&_nc_oc=AQkrhZKbfRyE8iIwsFLciSKjv-8AC81q-_DUSy2W6hGxokfMCu9h-_UZAgMVB5zslTg&_nc_ht=scontent.fktm7-1.fna&_nc_tp=7&oh=92bd337847303b7bd0c2f03601506f4f&oe=5F0ED815)
![स्वास्थ्य निर्देशनालय, गण्डकी प्रदेश को फोटो।](https://scontent.fktm7-1.fna.fbcdn.net/v/t1.0-9/102825710_163233478517771_4286536531290564526_n.jpg?_nc_cat=111&_nc_sid=8024bb&_nc_oc=AQmucV50vjW1zVQydYAVrZ6rEElX1yecRJyvVDiP1TuRGkf9RVKeTIPl9bT_PsRTR2w&_nc_ht=scontent.fktm7-1.fna&oh=a6a1a2b2ca341b0c84ce077f73b9073b&oe=5F1251CF)
प्रकाशित | ४ असार २०७७, बिहीबार ११:११