काठमाडौं : काठमाडौँ उपत्यकामा थप ४२ जनामा कोरोना संक्रमण पुष्टि भएको छ । स्वास्थ्य मन्त्रालयका प्रवक्ता डा जागेश्वर गौतमकाअनुसार उपत्यकामा थप ४२ जनामा संक्रमण पुष्टि भएको हो ।
काठमाडौँमा २८ जना र ललितपुरमा १३ जना सङ्क्रमित भएका छन् । भत्तपुरमा एकजना सङ्क्रमित पुष्टि भएको छ । उपत्यकामा बुधबार २३ जना, मंगलबार २८ जना,, सोमबार ५४ र आइतबार ३० जना सङ्क्रमित पुष्टि भएको थियो ।
त्यस्तै, नेपालमा थप ११८ जनामा कोरोना संक्रमण देखिएको छ । यो सँगै संक्रमितको संख्या १६ हजार ६ सय ४९ पुगेको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा गरिएको परीक्षणको क्रममा ११८ जनामा कोरोना संक्रमण देखिएको हो ।
अहिलेसम्म क्वारेन्टाइनमा २३ हजार नौ सय १० जना रहेका छन् भने आठ हजार ६ सय तीन जनाको आइसोलेसनमा उपचार भइराखेको छ। पछिल्लो २४ घण्टामा १२० जना कोरोना जितेर डिस्चार्ज भएका छन्। यो सँगै कुल डिस्चार्ज हुनेको संख्या आठ हजार ११ पुगेको प्रवक्ता गौतमले जानकारी गराउनुभयो ।
प्रकाशित | २६ असार २०७७, शुक्रबार १६:४०
