भक्तपुर : भक्तपुरबाट आज ‘प्रधानमन्त्री रोजगार कार्यक्रम’ शुभारम्भ हुँदै छ । भक्तपुरबाट प्रधानमन्त्री केपी शर्मा ओलीले यो कार्यक्रमको शुभारम्भ गर्दैहुनुहुन्छ । जिल्लाका चारै वटा नगरपालिकाको संयुक्त आयोजनामा सो कार्यक्रम हुन लागेको हो । शुभारम्भ भएको दिन सडक व्यवस्थापन सम्बन्धी कार्यबाट शुरुवात गरिने भएको छ भने बाँकी दिनको लागि सम्बन्धीत वडा कार्यालयले निर्णय गर्ने भएको छ । कार्यक्रममा श्रम तथा रोजगार मन्त्री गोकर्ण विष्टको समेत सहभागिता रहनेछ । सोही अवसर पारेर भोली स्थानीयबासी सबैले तीन घन्टा श्रम गर्ने कार्यक्रम तय भएको छ ।
त्यस्तै, भक्तपुर क्षेत्र नं २ का सासद महेश बस्नेतले सो शुभारम्भ कार्यक्रममा सहभागिताको लागि सबैमा आह्रवान गर्नुभएको छ । उहाँले भब्य रुपमा कार्यक्रम हुन लागिरहेकाले कार्यक्रममा सहभागिताको लागि सबै भक्तपुरबासीमा आह्वान गर्नूभएको हो । कार्यक्रम सफल बनाउन नेकपा भक्तपुरले १५ सदस्यीय व्यवस्थापन समिति समेत गठन गरेको छ । सूर्यविनायक नगरपालिकाका प्रमुख बाशुदेव थापाको संयोजकत्वमा सहसंयोजक चाँगुनारायण नगरपालिकाका उपप्रमुख विना बास्तोला, सूर्यविनायक नपाबाट ७ जना वडाध्यक्ष, चाँगनारायण नपाबाट ४ जना वडाध्यक्ष र मध्यपुर थिमी नपाबाट २ जना रहने गरी उक्त समिति गठन गरेको हो ।
प्रकाशित | २३ जेष्ठ २०७६, बिहीबार २०:२५
