काठमाडौं: गैरआवासीय नेपाली संघ ९एनआरएनए० को ११ औं महाधिवेशनमा अध्यक्षका प्रत्यासी महेशकुमार श्रेष्ठले विभाजित रहेको संस्थालाई तीन महिनाभित्र एकताबद्ध गरी छाड्ने प्रतिबद्धता जनाउनु भएको छ । कोरिया भ्रमणमा रहेका उहाँले आफ्नो टिमका उम्मेदवारहरु र डेलिगेट्स एवम सदस्यहरुबीच आयोजना गरिएको अन्तरसंवादलाई सम्बोधन गर्दै उनले एक्सनमा उत्रेर काम गर्ने र एकता गराउने प्रतिबद्धता जनाउनु भएको हो ।
आफ्नो सम्बोधन गर्ने क्रममा उनले एक महिनाभित्र एकताको खाका तयार गर्ने र तीन महिनाभित्र सम्पूर्ण गैरआवासीय नेपालीहरुलाई एकताको सूत्रमा बाँध्ने प्रतिज्ञा गर्नुभयो ।
‘गैर आवासीय नेपाली संघप्रति ठूलो अपेक्षा छ । तर पछिल्लो समय संस्थामा विवाद बढेको साथै पदलोलुपता बढेकाले अब सहमति, सहकार्य र भावनात्मक एकता गर्नुपर्ने छ । त्यसैले विनोद कुँवरजीलाई साथमै राखेर सम्बोधन गर्न पाउँदा एकता निश्चित हुनेछ,’ उहाँले भन्नुभयो, ‘विगतका दिनमा केही अविश्वास बढ्यो, प्राविधिक कारणले मिलन हुन सकेन, तर म समन्वयकारी भूमिका निर्वाह गरेर इतिहास बनाउँछु ।’
आफू कोषाध्यक्ष हुँदा संघको गरिमा बढ्ने गरी सिष्टम बनाउन सफल भएको र पारदर्शी रुपमा कोष संचालन गरेको बताउँदै श्रेष्ठले अध्यक्ष पदमा विजयी भएपछि अल्पकालिन र दिर्घकालिन योजनाहरु बनाएर सबैको मन जित्नेगरी काम गर्ने प्रतिबद्धता दोहोर्याउनुभयो । ‘पूर्वअध्यक्षहरुले शुरु गर्नुभएको दीर्घकालिन योजनाहरु अधुरै छन् । २० बर्षको इतिहासमा पनि संस्था एउटा प्रक्रियामा हिंड्न सकेन । कसले के काम गर्ने भन्ने अन्योल छ । तर अब यि समस्याहरुको हल हुनेगरी पाँचवटा बुँदालाई केन्द्रमा राखेर एक्सन र भिजनसहित काम गर्न तपाइँहरु सामू उभिएको छु ।’
कोरियाबाट सम्बोधन गर्ने क्रममा उहाँले असन्तुष्ट समूहको नेतृत्व गरिरहेका विनोद कुँवरलाई पनि साथमै राख्नु भएको थियो । त्यस क्रममा कुँवरले १० औं महाधिवेशनमा जस्तै त्रुटीहरु नगर्न र एकता गर्न आब्हान गर्नुभयो । उहाँले श्रेष्ठलाई शुभकामना पनि दिनु भयो।
कोरियाबाट सम्बोधन गर्ने क्रममा उहाँले असन्तुष्ट समूहको नेतृत्व गरिरहेका विनोद कुँवरलाई पनि साथमै राख्नु भएको थियो । त्यस क्रममा कुँवरले १० औं महाधिवेशनमा जस्तै त्रुटीहरु नगर्न र एकता गर्न आब्हान गर्नुभयो । उहाँले श्रेष्ठलाई शुभकामना पनि दिनु भयो। गत मार्च २०२२ मा काठमाडौँमा एनआरएनएको छुट्टाछुट्टै १० औं महाधिवेशन आयोजना गरिए पछि विनोद कुँवर नेतृत्वको समूहले समानान्तर संस्था संचालन गर्दै आएको छ।
संघका उपाध्यक्ष नारायण आचार्यले महेशजी सँगै कमिटिमा बसेर काम गरेको स्मरण गर्नुभयो । ‘सबै साथीहरुको सल्लाह र सुझावका आधारमा फेरि उपाध्यक्षमा दोहोरिने निर्णय गरेको छु । म टिम स्प्रिटमा विश्वास गर्छु र अहिले महेशजीको नेतृत्वमा संस्था एकताबद्ध हुनेछ भन्ने कुरामा म विश्वस्त छु’, आचार्यले भन्नुभयो । ।
उपाध्यक्षका अर्का उम्मेदवार राज रेग्मीले ११ औं अधिवेशनलाई एकताको अधिवेशन बनाउन जरुरी रहेको बताउनुभयो । गैरआवासीय नेपाली नागरिकताको अधिकार प्राप्त भए पनि बंशजको आधारमा प्राप्त नागरिकताको निरन्तरताको लागि टिम महेशले पहल गर्ने उहाँले बताउनुभयो । युवाहरुलाई जोड्ने मुख्य लक्ष्य लिएर आफुले उम्मेदवारी दिएको बताउंदै उहाँले विदेशमा आर्जन गरेको सिप र पुँजीलाई नेपालमा लगानी गरी समृद्ध नेपाल बनाउने अभियानमा केन्द्रीत हुन आग्रह गर्नुभयो ।
उपाध्यक्ष पदका उम्मेदवार सुनील साहले संघको कोषाध्यक्षको रुपमा संस्थाको पारदर्शीताको लागि काम गरि रहेको र प्रत्येक महिना खर्च विवरण सार्वजनिक गर्ने गरिएको बताउनुभयो । ‘हामीले धेरै उपलव्धि हासिल गरे पनि काम गर्न बाँकी नै छ । म काममा विश्वास गर्ने व्यक्ति हो । भोलिका दिनमा पनि यो विश्वासलाई कम हुन दिने छैन’, उहाँले भन्नुभयो ।
संघका सचिव तथा उपाध्यक्ष पदका उम्मेदवार गंगाधर गौतमले विगतमा विभाजित एनआरएनएलाई एकीकृत गर्नका लागि महेश श्रेष्ठको भूमिका महत्वपूर्ण हुने बताउनुभयो । एनआरएनलाई कुन दिशामा लैजाने, यहाँ देखिएका समस्या र विभाजनका रेखाहरुलाई अन्त्य गर्दै कस्तो नेतृत्वको आवश्यकता छ भन्ने विषयमा बहस गर्दै टिम महेशलाई सघा उन उनले सबै डेलिगेट्स हरु लाई आग्रह गर्नुभयो ।
टिम महेशबाट महासचिवका प्रत्यासी बुद्धिसागर सुवेदीले एनसीसी र आइसीसीको चुनाव एकैपटक गर्ने साथै एनसीसी अध्यक्षहरुलाई आइसीसीको आमन्त्रित सदस्य बनाउन प्रस्ताव अघि सार्नुभयो । उहाँले प्रभावकारी केन्द्रीय कार्यालय तथा हस्तक्षेपरहित र स्वायत्तपूर्ण एनसीसी निर्माण आफ्नो प्रमुख एजेन्डा रहेको बताउनुभयो ।
‘दुई वर्षे कार्यकाल रहेको एनआरएनएमा निर्वाचन प्रक्रियामै ६ महिना व्यतीत हुने गर्दा पूर्व निर्धारित महत्वपूर्ण कामहरु ओझेलमा पर्ने भएकाले सबै पन्जीक्रीत सदस्य हरुले एकै पटक मतदान गर्ने गरी आइसीसी र एनसीसीहरुको निर्वाचन एकैपटक गर्न प्रस्ताव अघि सारेको हुँ,’ उहाँले भन्नुभयो, ,‘संस्थामा व्यापक सुधार गरेर सम्पूर्ण गैरआवासीय नेपालीहरुलाई संस्था चलायमान रहेको अपनत्व अनुभूत गराउनेछौं र सिन्डिकेटहरु तोडेर अघि बढ्ने छौं ।’
उक्त अवसरमा अन्य उम्मेदवारहरुले पनि आ-आफ्ना एजेन्डा प्रस्तुत गर्दै टिम महेशलाई जिताउन आग्रह गर्नुभएको थियो । कार्यक्रमको सुरुमा संघका महासचिव तथा उपाध्यक्ष पदका उम्मेदवार डा केशव पौडेलले सबै सहभागीहरुलाई स्वागत गर्नु भएको थियो । अन्तरक्रियाको संचालन गुराँस पौडेल तथा सचिव पदका उम्मेदवार दिपक गौतमले गर्नु भएको थियो । कार्यक्रममा टिम महेशको तर्फबाट सचिव पदका उम्मेदवार कृष्णजीवी पन्थ र दयानीधि सापकोटा तथा विभिन्न क्षेत्रीय उम्मेदवारहरुको पनि सहभागिता थियो ।
प्रकाशित | २१ आश्विन २०८०, आईतवार २३:०६
