भक्तपुर: सूर्यविनायक नगरपालिकाको न्यायिक समितिले पूर्वका पाँच वटा स्थानीय तहमा अवलोकन भ्रमण गरेको छ । न्यायिक समिति संयोजक तथा उपमेयर सरिता तिमिल्सिना भट्टराईको नेतृत्वमा गएको टोलीले पूर्वका पाँच वटा पालिकामा अवलोकन भ्रमण गरेको हो ।
टोलीले ताप्लेजुङको फुंगलिंग नगरपालिका, ईलामको ईलाम नगरपालिका र सूर्योदय नगरपालिका, झापाको दमक नगरपालिका, मोरङको विराटनगर महानगरपालिकामा अवलोकन भ्रमण गरेको हो ।
विभिन्न पालिकाहरुका न्यायिक समिति सँग भेटघाट, अनुभव साटासाट, उपप्रमुखहरुको प्रमुख जिम्मेवारीमा रहेका अनुगमन समिति , राजस्व परामर्श समितिले गरिरहेका काम र जिम्मेवारीको अन्य नगरपालिकाहरुले गरेका असल अभ्यासहरुका बारेमा जानकारी प्राप्त भएको उपमेयर तिमिल्सिनाले जानकारी दिनुभयो
।
उहाँका अनुसार एक स्थानिय तहले अर्को स्थानिय तह सँगको व्यवसायिक तथा सेवामुलक सौहार्द सम्वन्ध विकास तथा केहि कार्यविधिहरुमा एकरुपताको सुरुवात गर्न सकिने बोरमा समेत छलफल भएको थियो ।
‘संस्थागत अवलोकन पश्चात नगरपालिकालाई शुसासित र स्थानीय स्तरको दिगो विकासका लागि अन्य पालिकाहरुले गरेका प्रयासहरुको सिकाई प्राप्त भयो,’ उपमेयर तिमिल्सिनाले भ्रमणको अनुभव बारे भन्नुभयो ।
भ्रमण टोलीमा उपमेयर तिमिल्सिनासहित न्यायिक समिति सदस्य विनय महत, वासुदेव पोखरेल, ईजलास अधिकृत सुरज पौडेलसमेत सहभागि हुनुहुन्थ्यो ।
प्रकाशित | २७ बैशाख २०८०, बुधबार २१:००
