भक्तपुर : सूर्यविनायक नगरपालिकाका मेयर बासुदेव थापा शनिबार विभिन्न कार्यक्रममा सहभागि बन्नु भएको छ । शिवरात्रीको महान पर्वको अवसरमा कोदारनाथ शिर डोलेश्वर महादेव मन्दिरमा दर्शनसँगै अन्य विभिन्न कार्यक्रममा सहभागि बन्नु भएको हो ।
शिवरात्रीको अवसर पारेर सूर्यविनायक नगरपालिका वडा नं. १० चित्तपोल खड्का गाउँ स्थित निर्माण सम्पन्न दिर्घेश्वर महादेव पाटीको उद्घाटन गर्नुका साथै बाल शिक्षा सदन स्कुलमा सरस्वतीको मूर्ति अनावरण गर्नु भएको छ ।
सो अवसरमा स्थानीय संघ संस्था तथा स्थानीयबासीन्दासँग छलफल समेत गर्नुभयो । मेयर थापाले शिवरात्री पर्व परापूर्वकालदेखि नै मानीआएको साँस्कृतिक पर्व भएकाले यसलाई संरक्षण गर्नु सबैको दायित्व भएको बताउनुभयो ।
स्थानीयबासीसँगको छलफलको क्रममा मेयर थापाले जनतालाई परेका समस्या समाधानका लागि आफ्नो तर्फबाट सक्दो पहल गर्ने बताउनुहुँदै अधुरा र दिगो विकासका लागि सबैको सहयोग आवश्यक पर्ने बताउनुभयो ।
आफू दोस्रो कार्यकालमा निर्वाचीत भएर आएपछि अधुरा कामहरु पूरा गर्न लागिपरेको बताउनुहुँदै सबैको तर्फबाट आ-आफनो ठाउँबाट समन्वयकारी भूमीका खेल्नुपर्ने बताउनुभयो ।
त्यस्तै, डोलेश्वरमा आयोजित कार्यक्रममा बोल्नुहुँदै मेयर थापाले डोलेश्वरलाई धार्मिक पर्यटकीय क्षेत्रको रुपमा विकास गर्न आवश्यक रहेकोमा जोड दिनु भएको थियो ।
प्रकाशित | ६ फाल्गुन २०७९, शनिबार २०:०५