काठमाडौं – आहा-रारा गोल्डकप फुटबलको उपाधि विभागीय टिम एपीएफ क्लबले जितेको छ । शनिबार पोखरा रंगशालामा भएको खेलमा मनाङ मर्स्याङ्दी ५-४ गोल अन्तरले क्लबलाई टाईब्रेकरमा हराउँदै एपीएफले पहिलो पटक आहा रारा गोल्डकपको उपाधि जितेको हो ।
निर्धारित र अतिरिक्त समयको खेल २-२ गोलको बराबरीमा सकिएपछि खेल टाईब्रेकरमा गएको थियो । पेनाल्टी सुटआउटमा ओलावाले असफल भएपछि ६ पटकको च्याम्पियन मनाङ उपाधिबाट बञ्चित हुन पुग्यो ।
उनको प्रहारलाई एपीएफका कोरियन गोलकिपर युया कोरियामाले रोकेका थिए । एपीएफका नविन लामा, सनिस श्रेष्ठ, रवि थिङ, मणी लामा, अर्मान्ड बिडोम टाइब्रेकरमा सफल बने ।
मनाङका फ्रेङ्कलिन टाला, दयानन्द सिंह, शिव गुरुङ, रुपेश केसीले गोल गरे । यो जितसँगै एपीएफले उपाधि सहित १० लाख रुपैयाँ हात पारेको छ भने उपविजेता मनाङले ५ लाख रुपैयाँमा प्राप्त गरेको छ ।
प्रकाशित | १५ माघ २०७८, शनिबार १८:०८
