काठमाडौं – नेपाल आयल निगमका तत्कालीन कार्यकारी निर्देशक पदको लागि विज्ञापन खुलेको छ । सुरेन्द्र पौडेलले तीन वर्ष कार्यकाल पूरा गरी बिदाई भएसँगै निगमले नयाँ कार्यकारी निर्देशक पदका लागि विज्ञापन खुलाएको हो ।
पौडेल २०७५ सालमा कार्यकारी निर्देशकमा नियुक्त हुनु भएको थियो । उहाँ २२ पुसमा निगमबाट बिदाइ हुनु भएको हो । कार्यकारी निर्देशक छनोट तथा सिफारिस समितिले आइतबार सूचना जारी गर्दै आवेदन खुलाएको हो ।
निगमको कार्यकारी निर्देशक हुन निगमको कार्यप्रकृतिसँग सम्बन्धित विषय वा प्रशासन, व्यवस्थापन, अर्थशास्त्र, इन्जिनियरिङ वा कानुन विषयमा कम्तीमा स्नातकोत्तर तह उत्तीर्ण गरेको र व्यवस्थापकीय जिम्मेवारीको पदमा कम्तिमा पाँच वर्षको अनुभव भएको हुनुपर्ने योग्यता तोकिएको छ ।
इच्छुक आवेदकले उद्योग, वाणिज्य तथा आपूर्ति मन्त्रालयको प्रशासन तथा संस्थान महाशाखामा पाँच हजार रुपैयाँसहित २१ दिनभित्र दरखास्त दिन सक्ने सूचनामा उल्लेख छ ।
प्रकाशित | २५ पुष २०७८, आईतवार १२:०१
