काठमाडौं – नेपाली काँग्रेसका नेता प्रकाशमान सिंहले सभापति शेरबहादुर देउवा र वरिष्ठ नेता रामचन्द्र पौडेलको नेतृत्वमा पार्टी चल्न नसक्ने बताउनुभएको छ । सिन्धुलीको कमलामाईमा आयोजित कार्यक्रममा सिंहले काँग्रेसलाई बलियो बनाउने हो भने नेतृत्व परिवर्तन गर्नुको विकल्प नभएको धारणा राख्नुभयो ।
उहाँले भन्नुभयो, ‘अब देउवा र पौडेलजीबाट पार्टी चल्न सक्दैन । पार्टी बलियो बनाएर देशको भविष्य सुन्दर बनाउन नेतृत्व परिवर्तनको विकल्प छैन ।’ आफूसँग काँग्रेस हाँक्ने दृढ इच्छाशक्ति, विचार र सही योजनाहरु रहेकोउल्लेख गर्दै नेता सिंहले क्षणिक लाभका लागि पार्टी र देशको भविष्य बर्बाद हुनबाट जोगाउन आग्रह समेत गर्नुभयो ।
उहाँले भन्नुभयो, ‘बेथितिबाट काँग्रेस र देश चल्दैन । पदको लोभ नगर्नुहोस्, पैसाको क्षणिक लाभ नहेर्नुहोस्, भविष्य हेर्नुहोस् । छोरा नाति पनातिको भविष्य हेर्नुहोस् । राम्रो नेता चुनेर पठाउनुहोस् । काँग्रेस बचाउनुहोस् ।’
प्रकाशित | २२ कार्तिक २०७८, सोमबार १७:३४
