टेक्सस । गैर आवासीय नेपाली संघ अमेरिकाले पछिल्लो समय एसियन मूलका अप्रवासीहरुमाथि भइरहेको आक्रमण प्रति दुख व्यक्त गरेको छ । एनआरएनए अमेरिकाले एक विज्ञप्ती जारी गर्दै हालसालै संयुक्त राज्य अमेरिकाको विभिन्न स्थानहरूमा एसियन मूलका आप्रवासीहरु माथि भइरहेको आक्रमण प्रति दुख व्यक्त गरेको हो ।
बिज्ञप्तिमा भनीएको छ, ‘हालसालै संयुक्त राज्य अमेरिकाको विभिन्न स्थानहरूमा एसियन मूलका अप्रवासीहरु प्रति भइरहेको आक्रमण प्रति गैर आवासीय नेपाली संघ अमेरिका दुख व्यक्त गर्दछ, साथै एसियन अमेरिकन समुदाय सँग ऐक्यबद्धता जाहेर गर्दछ । हामी सबै यस दुखद अवस्थाको सामना गर्दै आफूलाई संयमित र सचेत राख्नु वाञ्छनीय हुन्छ ।’
एनआरएनए अमेरिकाले अमेरिका निवासी नेपालीहरुलाई सतर्कता अनाउन आग्रह गर्दै कुनै समस्या आई परेमा हेल्प डेस्कको फोन नम्बर ८४४-६७६- २८७२ मा सम्पर्क गर्नु हुन पनि भनीएको छ ।
प्रकाशित | ८ चैत्र २०७७, आईतवार ०९:३८
