गौरी राज जोशी, सचिव, गैर आवासीय नेपाली संघ अन्तरराष्ट्रिय समन्वय परिषद्
गैर आवासिय नेपाली संघ एउटा अभियान हो । नेपाली नागरिकताको निरन्तरता, लगायत विदेशमा वस्ने नेपालीका अन्य चासोका विषयहरुमा एनआरएनए निरन्तर सकृय छ । संविधानमा एनआरएन नागरिकताको व्यवस्था पनि यो अभियानकै देन हो । यो कानुन वन्ने अन्तिम प्रकृयामा छ । यो आंशिक सफलता मात्र हो । नेपाली नागरिकताको निरन्तरता लगायत, नेपालको आर्थिक विकासका लागि गैर आवासिय नेपालीको भुमिका लगायतका विषयमा हाम्रा थुप्रै मुद्दाहरु अझै पुरा हुन बांकी छन् । यसैले यो अभियानमा विदेशमा वस्ने नेपाली समुदायको मजबुत साथ अझै आवश्यक छ ।
विश्वका झण्डै ८० देशमा फैलिएको एनआरएनए विदेशमा वस्ने सवै नेपाली समुदायको साझा संस्था हो । विदेशमा रहेका करिव ५० लाख नेपालीलाई यसले प्रतिनिधित्व गर्छ । निश्चित उद्देश्य रहेका राजनीतिक पार्टी र समुह भन्दा एनआरएनए वृहत भएको कारण पनि यही हो । हामी विदेशमा वस्ने सवैका प्रमुख मुद्दाहरु एउटै भएकाले नै यो हाम्रो संस्था भएको हो । एनआरएनए अभियानलाई अझ मजबुत बनाउन अमेरिकामा वस्ने नेपाली समुदायलाई एनआरएनए अमेरिकाको सदश्य वनेर सामुहिक अभियानमा आवद्ध हुन हार्दिक अनुरोध गर्छु ।
खाडी मुलुक र मलेसिया पछि सवैभन्दा भन्दा वढी नेपाली वस्दै आएको देश अमेरिका हो । अमेरिकामा नै एनआरएनए कमजोर भयो भने यसले हाम्रो साझा अभियानलाई समेत कमजोर वनाउंछ । यो अभियान कमजोर हुदां हाम्रा मुद्दाहरुपनि कमजोर हुन पुग्छन् । विभिन्न उतार चढाव देखिएपनि एनआरएनए अमेरिका विस्तारै संस्थागत स्वरुप लिने क्रममा छ । अहिलेसम्म यो सवैभन्दा वढी सदश्य रहेको राष्ट्रिय समन्वय परिषद पनि हो । एनआरएनए सचिवालय निमार्ण, भुकम्पवाट प्रभावितहरुलाई सहयोग, कोभिड १९ सहयोग कोष, घर फिर्ती, पुनर्रसथापना, र उद्दार ( 3 R ) लगायतका क्षेत्रमा एनआरएनएले विगतमा अग्रणी भुमिका खेलेको थियो । यसलाई अझ वढाउन अमेरिकामा वस्ने तपाई हामी वढी भन्दा वढी एनआरएनए अमेरिकाको सदश्य बनेर आवद्ध हुदां सहयोग पुग्छ । हाम्रा साझा मुद्दालाई सम्वोधनका लागि दवाव दिने देखि कुशल र अविवादित नेतृत्व चयनका लागि पनि एनआरएनए अमेरिकामा धेरै भन्दा धेरैको सहभागिता चाहिन्छ ।
एनआरएन अमेरिकाको सदश्य भएपनि नभए पनि हामी निश्चित समयभन्दा वढी विदेशमा विताएका प्राय सवै गैर आवासिय नेपाली हौं । तर,एनआरएनए अमेरिकामा आवद्ध हुदां एनआरएन अभियानको मनोबल वढ्छ । वढी भन्दा वढी सदश्य हुदां नै एनआरएनए अमेरिका सामावेशी, प्रभावकारी, स्वच्छ वन्छ । त्यसलै आउने फ्रेअवरी १५ भित्र एनआरएन अमेरिकाको सदश्यता लिई एनआरएनए अमेरिकालाई मबजुत वनाउन र एनआरएन अभियानमा आवद्ध हुन म अमेरिका वस्ने नेपाली समुदाय सवैलाई पुन हार्दिक आग्रह गर्छु ।
प्रकाशित | २० माघ २०७७, मंगलवार २१:०५
