काठमाडौं । कांग्रेस सभापति शेरबहादुर देउवा कोरोना संक्रमितको कन्ट्याक ट्रेसिङमा परेपछि होम आइसोलेसनमा बस्नुभएको छ । नीजि सचिवालयमा कार्यरत एक जनामा कोरोना संक्रमण देखिएपछि देउवा आइसोलेसनमा बस्नुभएको हो ।
सचिवालयमा कार्यरत अन्य चार जनाको रिपोर्ट भने नेगेटिभ आएको छ । सभापति देउवाको भोलि स्वाब परिक्षण गर्ने उहाँका सहयोगी भानु देउवाले जानकारी दिनुभयो ।
देउवा होम आइसोलेसनमा बसेपछि आजका लागि तय भएको सत्तारुढ र प्रमुख प्रतिपक्षी दलबीचको छलफल पनि स्थगित भएको छ । देउवाको कोरोना परिक्षणको रिपोर्ट आएपछि मात्र बैठक बस्ने बताइएको छ ।
प्रकाशित | १ आश्विन २०७७, बिहीबार १५:४२
