काठमाडौं – नेपालमा थप ७०७ जनामा कोरोना संक्रमण पुष्टि भएको छ । पछिल्लो २४ घन्टामा देशका विभिन्न प्रयोगशालामा ११ हजार ८३२ जनाको पीसीआर परीक्षणमा गरिएकोमा ७०७ जना थपिएका हुन ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार यो सहित नेपालमा कोरोना संक्रमित हुनेको संख्या २९ हजार ६४५ जना पुगेको छ।
बिहीबारसम्म सक्रिय संक्रमितको संख्या ११ हजार ५५५ पुगेको छ । क्वारेन्टाइनमा ११ हजार ७६८ जना रहेका छन् ।
काठमाडौं उपतयकामा थप २०० जनामा कोरोना भाइरसको संक्रमण देखिएको छ। काठमाडौंमा १७४, भक्तपुरमा ८ र ललितपुरमा १८ जनामा कोरोना संक्रमण देखिएको हो।
पछिल्लो २४ घण्टामा थप २६४ जना कोरोना संक्रमणमुक्त भएका छन्। योसहित नेपालमा हालसम्म १७ हजार ९६४ उपचारपछि निको भएका छन्।
आज थप ६ जनाको कोरोनाले मृत्यु भएको छ । यो सहित निधन हुनेको संख्या १२६ पुगेको प्रवत्ता डा गौतमले जानकारी गराउनुभयो ।
प्रकाशित | ४ भाद्र २०७७, बिहीबार १६:२८
