झापा – झापाको बिर्तामोड नगरपालिकामा अनिश्चितकालिन लकडाउन लागू गरिएको छ । गएराति १२ बजेदेखि लागू हुने गरी बिर्तामोडमा अनिश्चितकालिन लकडाउन भएको हो । बिर्तामोड नगरपालिकाले नगरपालिका क्षेत्रभित्र अनिश्चितकालिन लकडाउन गर्ने निर्णय गरेको थियो।
कोरोना भाइरसको संक्रमण समुदायमा पुगेकाले थप संक्रमण फैलिन नदिन लकडाउन लगाइएको नगरपालिकाले जनाएको छ । लकडाउनमा खाद्यान्न तथा तरकारी पसल विहान ८ बजेदेखि ११ बजेसम्म खुल्ने छन्। त्यस्तै औषधि पसल बाहेक अन्य पसलहरू बन्द रहने छन् ।
निजी तथा सार्वजनिक सवारी साधन चल्न पाउने छैनन् । त्यस्तै बैंक तथा वित्तीय संस्थाले कारोबार गर्न नपाउने भएका छन् । झापाकै छिमेकी अर्जुनधारा नगरपालिकाले हिजो बिहानैदेखि पाँच दिनका लागि लकडाउन लागू गरिसकेको छ।
यसैगरी कोरोना संक्रमणको जोखिमका कारण जनकपुरधाम उपमहानगरपालिकामा आज रातिदेखि एक सातासम्मको निषेधाज्ञा लागू हुने भएको छ ।
प्रकाशित | १९ श्रावण २०७७, सोमबार १३:१९
