काठमाण्डौ : सत्तारुढ नेकपाको स्थायी कमिटी बैठक एक साता म्मका लागि स्थगित भएको छ । आज बस्ने भनिएको बैठक ७ दिन पर सार्दै फेरि स्थगित भएको हो ।
देशभर भैरहेको वर्षाबाट जनधनको क्षति रोक्न पार्टी पंक्तिलाई उद्धार तथा राहतमा लाग्न निर्देशन सहित ७ दिनका लागि बैठक स्थगित गरिएको पार्टी प्रवक्ता नारायणकाजी श्रेष्ठले जानकारी दिनुभयो ।
गएको असार ११ गतेदेखि सुरु भएको स्थायी कमिटी बैठकमा प्रधानमन्त्रीको राजीनामा माग भएपछि नेकपाभित्र विवाद बढेको छ । यही विवादको कारण स्थायी कमिटी बैठक प्रभावित हुँदै आएको छ ।
पछिल्ला केही दिनदेखि प्रधानमन्त्री एवं पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच एकल वार्ता र सहमतिको प्रयास जारी रहे पनि अझै निस्कर्ष भने निस्किसकेको छैन ।
प्रकाशित | २६ असार २०७७, शुक्रबार ११:४९
