भक्तपुर । बिगत लामो समय रोक्का रहेको हनुमन्ते करिडोरको २५० मिटर क्षेत्रभित्र पर्ने घर नक्सा पास खुल्ला गर्ने निर्णय भएको छ ।
सूर्यविनायक नगरपालिकाको कार्यापालिका बैठकले लामो समय सम्म रोक्का रहेको हनुमन्ते खोलाको २५० मिटर क्षेत्रभित्रको घर नक्सा पास खुल्ला गर्ने निर्णय गरेको हो ।
नगरपालिकाका नगर प्रमुख बासुदेव थापाको अध्यक्षतामा बुधबार बसेको १४६ ओैं कार्यापालिका बैठकले सो निर्णय गरेको नगरपालिकाका प्रवक्ता रविन्द्र सापकोटाले जानकारी दिनुभयो ।
प्रवक्ता सापकोटाका अनुसार बैठकले करिडोरको मापदन्ड कायम गरी बॅाकी क्षेत्रमा घरनक्सा पासको लागि फुक्का गरिएको हो ।
प्रकाशित | ३ जेष्ठ २०८०, बुधबार १९:४५
