काठमाडौं: ललितपुरको जावलाखेलमा कोरियन बार्बी क्यु रेष्टुरेन्ट सञ्चालनमा आएको छ । ललितपुर महानगरपालिकाका मेयर चिरीबाबु महर्जनले बुधबार एक कार्यक्रमकाबीच कोरियन बार्बी क्यु रेष्टुरेन्ट उद्घाटन गर्नु भएको हो । उद्घाटन सँगै रेष्टुरेन्ट सञ्चालनमा आएको हो ।
कोरियन संस्कृति र मौलिकतालाई नजिकबाट झल्काउने गरी कोरियन पोशाक, चित्रकला सहित आकर्षक सजावटमा कोरियन खानाका स्वाद दिने उद्देश्यले रेष्टुरेन्ट सञ्चालनमा ल्याएको सञ्चालक प्रेम गुरुङले बताउनु भयो ।
रेष्टुरेन्टमा गुरुङसँगै गैर आवासीय नेपाली संघका अध्यक्ष तथा एनआरएनए कोरियाका पूर्व अध्यक्ष समेत रहनु भएको विनोद कुँवरलगायतको लगानी छ । लामो समय कोरियामा कार्यरत रहँदै आएको टिमले नेपालमा कोरियन खानाको स्वाद पस्किने उद्देश्ले रेस्टुरेन्ट सञ्चालन गरिएको सञ्चालक कुँवरले बताउनु भयो ।
कोरियन खानाको स्वादका पारखीहरू बढ्दो रुपमा रहेकाले सो रेष्टुरेन्टले मौलिक कोरियन खानाहरू पस्कने जनाएको छ ।
कोरियाको झल्को दिने, त्यहाँको संस्कृतिलाई नेपाली सामु चिनाउने लक्ष्यका साथ यस रेष्टुरेन्ट खोलिएको हो । कोरिया रहेर आफैले सिकेको सीपलाई नेपालमा परिचालन गरी कोरियन बार्बी क्यु रेष्टुरेन्टले थुप्रै युवाहरूलाई रोजगार प्रदान गर्दै आएको छ ।
रेष्टुरेन्टले ग्राहकको चाहनालाई मध्यनजर गर्दै सन्तुष्टि प्रदान गर्ने सवालमा खानाको गुणस्तरलाई प्राथमिकतामा राखेको छ । बजारमा सञ्चालन भईरहेका कोरियन रेष्टुरेन्टहरू भन्दा यस कोरियन बार्बी क्यु रेष्टुरेन्टको खाना र सेवा भिन्न तथा गुणस्तरीय रहेको छ ।
यहाँ काम गर्ने कामदारहरू पनि विदेशी संस्कृति नेपाल मै सिक्न र झल्काउन पाउँदा उत्साहित देखिन्छन् । विशेष गरी अन्तराष्ट्रिय स्तरको अनुभवले शिपको दायरा फराकिलो बनेको छ जसले उनीहरूको व्यक्तित्व विकासमा अहम भूमिका खेलेको छ ।
प्रकाशित | २३ भाद्र २०७९, बिहीबार २१:४१
