दोलखा : दोलखाको कालिञ्चोक गाउँपालिकामा गठबन्धनका उम्मेदवार विजयी भएका छन् । गठबन्धनका तर्फबाट नेपाली कांग्रेसका अर्जुन शिवाकोटी अध्यक्षमा विजयी हुनु भयो ।
शिवाकोटी ५ हजार ७ सय ८६ मत प्राप्त गर्दै विजयी हुनु भएको हो । उहाँको निकटतम प्रतिद्वन्द्वी नेकपा एमालेका गणेश शिवाकोटीले ४ हजार ६ सय ७३ मत प्राप्त गर्नु भयो । ।
यस्तै उपप्रमुखमा गठबन्धनबाटै नेकपा माओवादी केन्द्रका कुलबहादुर बुढाथोकी विजयी हुनु भयो । उहाँले ७ हजार ७ सय १८ मत पाउनु भयो । बुढाथोकीको निकटतम प्रतिद्वन्द्वी नेकपा एमालेकी कविता थामीले ४ हजार ९ सय ७१ मत पाउनु भयो ।
कालिञ्चोकका ९ वडामध्ये वडा नं–१ मा नेकपा एमालेका उम्मेदवार विजयी भएका छन भने अन्य ८ वडामा माओवादी केन्द्र र नेपाली कांग्रेसले समान ४ वडामा विजयी भएका छन् ।
कुन वडामा कसले जिते ?
वडा नं. १ : पदम बहादुर थामी (एमाले)
वडा नं.२: बिक्रम पाण्डे (माओवादी)
वडा नं. ३: दल बहादुर तामाङ (माओवादी)
वडा नं. ४: दिपक खुलाल ((कांग्रेस)
वडा नं. ५ : सहदेब खड्का (माओवादी )
वडा नं. ६ : भरत पाण्डे ((कांग्रेस)
वडा नं. ७: राम पाण्डे (माओवादी )
वडा नं. ८: सुर्य बहादुर आचार्य, बालकृष्ण (कांग्रेस)
वडा नं.९ : राम प्रसाद मैनाली (कांग्रेस)
प्रकाशित | ४ जेष्ठ २०७९, बुधबार २३:१३
