चरिकोट : नेकपा एमालेले कालिन्चोक गाउपालिकामा घरदैलो कार्यक्रम तथा चुनावी सभालाई तीब्रता दिएको छ । विभिन्न वडाहरुमा घरदैलो कार्यक्रमलाई तीब्रता दिएको एमालेले बुधबार कालिन्चोक गाउँपालिका वडा नं. ४ स्थित लामिडाँडामा चुनावी सभा आयोजना गरेको छ । स्थानीयको बाक्लो सहभागिता रहेहेको चुनावी सभालाई एमालेका पोलिटब्युरो सदस्य आनन्द पोखरेल र पार्वत गुरुङलगायतले सम्बोधन गर्नु भएको हो ।
सो अवसरमा नेता पोखरेलले कालिन्चोकमा प्रमुख, उपप्रमुख सहित सबै पदमा एमालेको जीत सुनीश्चित रहेको भन्दै अझ एकजुट भएर अगाडि बढ्न आग्रह गर्नु भयो । कालोन्चोकको समृद्धि र बिकासको लागि अहिलेको नेतृत्व आवश्यक ठानेर एमालेले उम्मेदवार बनाएको पनि बताउनु भयो ।
नेता गुरुङले कालिन्चोक गाउँपालिका प्रमुखमा एमालेले योग्य, इमानदार र असल ब्यक्तीलाई उम्मेदवार बनाएको बताउनु भयो । नेता गुरुङले भन्नु भयो, ‘सामाजीक भावनाले प्रेरित गणेश शिवाकोटी जितेर समाजसेवा र समाजको रुपान्तरणको काम गर्छु, विकास गर्छु भनेर नभई जुन दिनदेखि राजनीतिक चेतना भयो, त्यो दिनको शुरुवातदेखि नै समाजसेवामा सर्मपीत रहँदै आएको, सबैसँग घुलमिल हुन सक्ने, मिल्न सक्ने, समन्वय गर्न सक्ने र सबैसँग साझा रुपमा प्रस्तुत हुन सक्ने ब्यक्ती हो ।’
कुनै पनि विषयमा प्रश्न उठाउनु नपर्ने कही कतै विवादमा नभएको ब्यक्तीलाई एमालेले उम्मेदवार बनाएको भन्दै कालिन्चोक गाउँपालिकाको समृद्धिको लागि गाउँपालिका प्रमुखका उम्मेदवार शिवाकोटी र उपप्रमुखको उम्मेदवार कविता थामीलाई विजयी गराउन आह्रवान गर्नु भयो।
कार्यक्रममा कालिन्चोक भुगोल भएका प्रदेश नेता बालकृष्ण शिवाकोटी, डबल पाण्डे, कालिका पाठक, बिन कुमार थामीलगायतले कालिन्चोकको समृद्धि, विकास र अधुरा योजना पुरा गर्न एमालेको नेतृत्व अपरीहार्य भएको बताउनु भयो ।
कार्यक्रममा गाउँपालिकामा प्रमुख पदका उम्मेदवार गणेश शिवाकोटीले अघिल्ल्लो चुनावमा एमालले ६ वटा वडासहित प्रमुख र उपप्रमुखमा विजयी हासिल गरेको स्मरण गर्दै हिजोको दिनमा पनि एमालेका विरुद्ध गठबन्धन भएकाले गठबन्धन अघिल्लो चुनावमै फेस गरिसकेको बताउनु भयो । कालिन्चोक गाउँपालिकामा अन्य पार्टी छाडेर एमाले प्रवेश गर्नेको लहर छाएको बताउँदै गठबन्धन आफुहरुको लागि कुनै नौलो र चुनौतीको विषय नभएको स्पष्ट पार्नु भयो ।
कार्यक्रममा उपप्रमुखको उम्मेदवार कविता थामी, वडा अध्यक्षका उम्मेदवार कमल घिमिरेले जनताको पार्टी एमाले भएको बताउँदै एमालेका उम्मेदवारलाई विजयी गराउन आह्रवान गर्नु भएका थियो
प्रकाशित | २१ बैशाख २०७९, बुधबार १९:०१
