ललितपुर : ललितपुरमा कांग्रेस र माओवादीबीच मात्रै गठबन्धन हुने भएको छ । यही ३० गते हुने स्थानीय निर्वाचनका लागि ललितपुरमा सत्ता गठबन्धन दल नेपाली कांग्रेस र नेकपा माओवादी केन्द्रबीच मात्र गठबन्धन हुने भएको हो ।
बागमती प्रदेश कांग्रेस सभापति ईन्द्रबहादुर बानियाँ र माओवादी केन्द्रका बागमती अध्यक्ष सरल सहयात्रीबीच कांग्रेस र माओवादीबीच मात्रै चुनावी तालमेल गर्ने सहमति भएको हो।
सहमति अनुसार ६ वटा स्थानीय तह रहेको ललितपुरमा चार वटा कांग्रेस र २ वटा माओवादी केन्द्रले पाएको छ । जसमा ललितपुर महानगर, गोदावरी नगर, बागमती नगर र महांकाल गाउँपालिकाको प्रमुख कांग्रेसले पाएको छ । गोदावरी प्रमुख र उपप्रमुख दुवै कांग्रेसले पाएको छ ।
महालक्ष्मी नगर र कोन्ज्योसोम गाउँपालिका माओवादी र उप्रमुख कांग्रेसले पाएको छ ।
उता सत्तागठबन्धनमा रहेको नेकपा एकीकृत समाजवादी र जनता समाजवादी पार्टीले भने कांग्रेस र माओवादीप्रति असन्तुष्ट जनाउँदै छुट्टाछट्टै उम्मेदवारी दिने बताएका छन् ।
प्रकाशित | ११ बैशाख २०७९, आईतवार १५:३८
