कीभ – युक्रेनका राष्ट्रपति भोलोडिमिर जेलेन्स्कीले युरोपेली संसदको विशेष सत्रमा सम्बोधन गर्नु भएको छ । युक्रेनबाट भिडियो लिङ्कमार्फत् बोल्दै जेलेन्स्कीले युक्रेनलाई कसैले भङ्ग गर्न नसक्ने अभिव्यक्ति दिनु भयो ।
‘युक्रेनमा जे भइरहेको छ, त्यो दुःखद हो र हामी आफ्नो भूमि, आफ्नो स्वतन्त्रता र आफ्नो जीवनको लागि लडिरहेको छौ’, जेलेन्स्कीले भन्नु भयो, ‘यी पछिल्ला केही दिनहरूमा मानिसहरूलाई अभिवादन गर्ने तरिका मलाई थाहा छैन। म राम्रो दिन वा शुभ रात्रि होस् भन्न सक्दिन, कसैको लागि यो अन्तिम दिन हो ।’
उहाँले रसियाले युक्रेनी बालबालिकालाई निशाना बनाएको र हिजो मात्र १६ जनाको मृत्यु भएको पनि बताउनु भयो । आफ्नो भूमि र स्वतन्त्रताका लागि अन्तिम अवस्थासम्म लडिरहने पनि बताउनु भयो ।
तस्विर : बीबीसी
उहाँले भन्नु भयो , ‘हामीले कठोर वास्तविकताको सामना गर्नुपरेको छ, दिनहुँ मानिसहरू मरिरहेका छन्। मलाई लाग्छ आज ती जीवनहरू, मूल्य मान्यता, अधिकार, स्वतन्त्रता र समानताका लागि बलिदान भइरहेका छन् ।’
उहाँले युक्रेनलाई इयुको सदस्यता दिन विशेष आग्रह पनि गर्नु भयो ।
‘तपाईं हामीसँग सँगै हुनुहुन्छ भनेर प्रमाणित गर्न आग्रह गर्दछु । युक्रेनको युरोपेली छनोट त्यो बाटो हो जसमा हामी आज संलग्न छौं। म तपाईबाट आएको यो सन्देश सुन्न चाहन्छु कि युक्रेन तपाईको पनि हो’, उहाँले थप्दै भन्नु भयो , ‘हामी धेरै बलियो हुनेछौ। हामीले आफ्नो शक्ति देखाइसकेका छौं र हामी सामाना गर्नेछौ । तपाईको पक्षमा, तपाईले हामीलाई प्रमाणित गर्न सक्नुहुन्छ कि तपाई हाम्रो छेउमा हुनुहुन्छ, तपाईले हामीलाई त्याग्नुहुन्न ।’ बीबीसी
प्रकाशित | १७ फाल्गुन २०७८, मंगलवार २०:३३
