सियोल– गैर आवासीय नेपाली संघ कोरियाका निवर्तमान अध्यक्ष यज्ञराज सुवेदी कोरियन डेमोक्रेटिक पार्टी आप्रवासी समितिको संगठन विभाग प्रमुखमा नियुक्त हुनु भएको छ । सुवेदीलाई आज बसेको सो पार्टीको बैठकले आप्रवासी समितिको संगठन विभाग प्रमुखमा नियुक्त गरेको हो ।
सुवेदी एनआरएनए एसिया प्याशिफिक क्षेत्रको क्षेत्रीय उपसंयोजक पदको उम्मेदवार समेत समेत हुनुहुन्छ । सवेदीले आफूलाई नियुक्त गरेकोमा सांसद गो इन यङ्ग लगायत सम्पूर्ण कार्यसमिति धन्यवाद दिनु भएको छ ।
पार्टीले दोस्रो चरणको कार्यक्रममा आगामी सरकारले गर्नु पर्ने काम को बारेमा विभिन्न सुझावहरु राखेको छ । बैठकले बिदेशी मजदूरहरुको बस्ने ठाउँहरुको निरीक्षण गर्नु पर्ने र कोरियन सरह ब्याबहार गर्नु पर्ने, मेडीकल इन्सुरेन्सको भेदभावपूर्ण नियमलाई कोरियनलाई सरह गर्नु पर्ने, कम्पनी रोज्ने अधिकार कोरियन सरह गर्नु पर्ने सुझाव दिएको छ ।
त्यस्तै, थेजिकम लिने कानूनी ब्यबस्थालाई कोरियन सरह गर्नु पर्ने, श्रमीकले रोजगार स्थल परिवर्तन गर्ने अधिकार पाउनु पर्ने
र ५ जना भन्दा कम कामदार भएको कम्पनीमा पनि श्रम कानून लागु हुनु पर्ने मगपत्र पार्टी मार्फत उम्मेदवारलाई पठाइएको छ।
प्रकाशित | ४ माघ २०७८, मंगलवार १८:१७