रोम बहादुर गुरुगं
गैर आवासीय नेपाली संघ (एनआरएनए) को सहयोगमा गोरखाको लाप्राकमा निर्माण गरिएको लाप्राक नमुना बस्तीको काम सम्पन्न भएको खवर सुन्नमा आएको छ । लाप्राक नमुना बस्ती हस्तान्तरणको अन्तिम तयारीमा एनआरएनएन जुटेको खवरले निकै खुसी तुल्याएको छ । गोरखाको धार्चे गाउँपालिका–४ लाप्राकको गुप्सीपाखामा निर्माण गरिएको लाप्राक नमुना बस्ती हस्तान्तरण गर्न लागिरहँदा यसको निकै चर्चा परिचर्चा पनि भइरहेको देखिन्छ ।
धेरैजसो मिडिया, अनलाइन र पत्रपत्रिकाले वर्तमान नेतृत्वकै गुनगान गाउँदै लाप्राक नमुना बस्ती निर्माणलाई ठूलो सफलताको रुपमा प्रचार गरिरहेको देखिन्छ । तर यसको प्रमुख योजनाकार तथा शूरुवाताकर्ता, अभियानकर्मीको योगदानलाई छायाँमा पार्ने काम भइरहेकोप्रति भने निकै चिन्तित तुल्याएको छ । पछिल्लो समय एनआरएनएको साख गिर्दै गएको आलोचना बढिरहँदा भइरहने यस्तो सस्तो प्रचारबाजीले वास्तावमै दु खी नबनाउने कुरै भएन् । किनकी लाप्राक नमुना बस्ती शूरु गर्दाको दुख, त्यस बेलाको कठिन परिस्थितिलाई सायदै कसैले हेक्का राखेको देखिएन् । एनआरएनएनलाई यो अवस्थासम्म ल्याइपुर्याउन एनआरएनएका पूर्व अध्यक्ष शेष घले र जमुना गूरुगंको योगदान कसैले भुल्न सक्दैन । यदी कसैले योगदानलाई भुल्न र बदनियतपूर्वक नै गरिएको हो भने त्यो गलत छ ।
हामीलाई थाहा छ, नेपालमा महाविनाशकारी भूकम्प आउँदा शेष दाई र भाउँजुले जुन हिसावले निस्वार्थ ढंगले काम गर्नु भो त्यो योगदानलाई कहिल्यै भुल्न सकिन्न् । भलै एनआरएनएनमा नयाँ नेतृत्व आएपछि शेष घले दाईले आफूले थाल्नुभएको प्रोजेक्ट पूरा गर्न सक्नुभएन् । वर्तमान नेतृत्वले लाप्राकलगायतका प्रोजेक्ट निर्माणमा ढिलासुस्ती देखाइरह्यो । अन्नत अहिले आएर लाप्राक नमुना बस्तीको काम सम्पन्न भएको छ । ढिलै भए पनि वर्तमान नेतृत्वलाई धन्यवाद दिन चाहान्छु । तर यसको शूरुवातकर्ता को हो ? भन्ने विषयलाई भने कसैले पनि बिर्सन हुन्न ।
मलाई थाहा छ, त्यो बेला शेष दाई र भाउजु काठमाडौं आउने बित्तिकै लाप्राकमा कयौ रात बिताउनुभएको छ । अहिले दाई नेतृत्वमा हुनुहुन्न भन्दैमा योगदान कदापी पनि भुल्ने प्रयास नगरौ भन्ने सबैमा अनुरोध गर्न चाहान्छु ।
प्रकाशित | १५ बैशाख २०७६, आईतवार १३:१३
