काठमाडौँ – हरेक मानिस सधैँ खुसी रहने चाहना राख्छन् । ऊर्जाशील हुनुको एउटै उत्तम उपाय खुसी हुनु हो । हामीले केही साना–साना कुरालाई पनि जीवनमा निरन्तर लागू गर्दै जाने हो भने खुसी प्राप्त गर्न सकिन्छ ।
हेर्नुहोस खुसी रहने उपायहरु :
१. बोलीले जीवनकोे लामो यात्रा सहजै पार गर्न सहयोग गर्न सक्छ । बोल्ने शैलीले नै तपाईंको सुनौलो यात्रा तय गर्नेछ ।
२. खुसी हुन चाहने हो भने आफ्नो विचार र भावनासँग सधैँ स्पष्ट हुनुपर्छ ।
३. अर्काको देखासिकीमा कहिल्यै नबाँच्नुहोस्, सधैँ आफ्नो मौलिकपनमा बाँच्नुहोस् ।
४. खुसी पाउनु छ भने सधैँ सक्रिय रहनुहोस्, सक्रियताले तपाईंलाई खुसीसाथ बाँच्न सहयोग पुर्याउँछ ।
५. जीवनमा सधैँ व्यस्त रहनुहोस्, किनकि खाली दिमाग सैतानको घर हो ।
६. तपाईं वास्तवमै खुसी हुन चाहनुहुन्छ भने आफूलाई कहिल्यै दुःखी नबनाउनुहोस्, आफूमाथि नियन्त्रण कायम गर्नुहोस् ।
७. हामी सधैँ चिन्तामुक्त रहनुपर्छ, चिन्ता हटाउने कला सिक्नुपर्छ । यसको माध्यमबाट हामी आफ्नो क्षमता अभिवृद्धि गर्न सक्छौँ । जीवन अवसर हो भनेर सम्झिनुपर्छ ।
८. हाम्रो शरीरमा ताजापन ल्याउनका लागी प्रत्येक दिन १० देखि ३० मिनेट हिँड्ने गर्नुपर्छ । जसले मन शान्त हुन्छ । शरीर स्वस्थ रहन्छ ।
९. बिहानको हिँडाइपछि फर्किएर प्रार्थना गर्दा मन शान्त हुन्छ र अनुभव ह्न्छ ।
१०. प्राकृतिक खानामा जोड बिहान ग्रिन टि र पानी खानुपर्छ । ब्रोकाउली, आल्मोन्ड खानु राम्रो ।
११. अरूको निन्दा गर्न, अरुबारे नकारात्मक टिप्पणी र सोच अनि विगतको समीक्षा नगर्ने ।
१२. जीवनको उतारचढाव स्वीकार गरी धैर्य गर्नु खुसीको बाटो हो ।
१३. अरुलाई सहयोग गर्ने बानी बसालौं । सहयोग निःस्वार्थ गर्दा आफैंलाई फाइदा हुन्छ ।
१४. आत्मपरीक्षणमार्फत अरुले के भन्छ भनेर चासो दिनुभन्दा कुनै खराब व्यवहार छ भने आफैं सुधार गर्नु राम्रो ।
१५. परिवार र साथीसँग रमाउने, घुम्न जाने ।
१६. राम्रो गीत बजाएर मस्त नाच्ने ।
१७. बगैंचामा फूलहरु रोप्ने, स्यहार्ने गर्न ।
१८. रमाइलो पुस्तक पढ्ने।
प्रकाशित | ४ भाद्र २०७७, बिहीबार २०:३५
