मोरङ (उर्लाबारी ) : उर्लाबारी परिवार हङकङले उर्लाबारीमा कोरोना प्रभावीतलाई दुई लाख भन्दा बढीको सहयोग उपलब्ध गराएको छ । कोरोनाको कारण समस्यामा परेका उर्लाबारीबासी तथा बालबालीकालाई मध्यनजर गर्दै २ लाख भन्दा बढीको खाद्यान्न सहयोग गरेको हो ।
उर्लाबारी परिवार हङकङले उर्लाबारी नमूना बालगृहलाई १ लाख २ हजार ९ सय ८५ वरावरको खाद्यन्न सहयोग गरेको हो । उर्लाबारी परिवार हङकङको तर्फबाट प्रतिनिधि अनु राई ( एनआएनए हङकङ महिला फोरम संयोजक ), पूर्ण र्वाइवा, देवी घिसिङले सो सहयोग बालगृहकी संस्थापक अध्यक्ष मिना बराललाई हस्तान्तरण गर्नुभएको हो ।
बालगृहकी संस्थापक अध्यक्ष मिना बरालले कोरोनाको कारण बालबालीकालाई निकै समस्या परेको अवस्थामा सहयोग उपलब्ध गराएकोमा उर्लाबारी परिवार हङकङलाई धन्यवाद ज्ञापन गर्नुभयो ।
त्यस्तैगरि, परिवारले कोेरोनाको कारण नगरबासीलाई परेको समस्यालाई मध्यनजर गर्दै उर्लाबारी नगरपालिकालाई १ लाख २० हजार ५ सय वरावरको खाद्यान्न सहयोग गरेको छ । परिवारको तर्फबाट प्रतिनिधि तथा एनआरएनए हङकङ महिला फोरम संयोजक अनु राईले नगरपालिकाका मेयर खड्ग बहादुर फागोलाई खाद्यान्न सहयोग हस्तान्तरण गर्नुभएको हो ।
सो अवसरमा मेयर फागोले नगबासीलाई कुनै पनि समस्या आउँन नदिएको र कोरोना नियन्त्रण तथा रोकथामा नगरपालिकाले हदैसम्मको उपाय अबलम्बन गरिरहेको जानकारी गराउनुभयो । साथै पवासमा बसेर पनि आफनो मातृभूमी विशेष गरि आफू जन्मेको ठाउँलाई मध्यनजर गर्दै सहयोग गर्नुभएकोमा उर्लाबारी परिवार हङकङप्रति आभार ब्यक्त गर्नुहुँदै आगामी दिनमा पनि आपसी सहयोग र सहकार्यको खाँचो औल्याउनुभयो ।
उर्लाबारी परिवार हङकङ अध्यक्ष रञ्जित कार्कीले परिवारले नगरभित्र विभिन्न सामाजीक कार्य गर्दै आएकोमा अहिले कोरोनाको कारण समस्यामा पर्नुभएको नगरबासीलाई सहयोग पुगोस भन्ने उद्देश्यले राहत उपलब्ध गराइएको बताउनुभयो । परिवारले भूकम्पमा होस वा अन्य विपत्तिमा नगरभित्र समस्यामा परेका हरेक ब्यक्तीलाई सहयोग गर्दै आएको छ ।
उर्लाबारी परिवार हङकङले नगरमा हरेक क्षेत्रमा योगदान गर्दै आएको छ । साथै नगरभित्र हरेक वर्ष प्रवेशीका परीक्षामा उत्कृष्ठ छात्र र छात्रालाई १५/१५ हजारको दरले छात्राबृद्धि समेत प्रदान गर्दै आएको छ । लगनशील र अध्ययनशील विद्यार्थीको अध्ययनमा सहयोग पुगोस भनेर परिवारले सो छात्राबृद्धि प्रदान गर्दै आएको हो । परिवारले स्वर्गीय शिक्षक दिलीप राईको नाममा ४ लाख ६२ हजारको अक्षयकोष खडा गर्दै सो छात्राबृति प्रदान गर्दै आएको हो ।
त्यस्तै, एनआरएनए हङकङ महिला फोरम संयोजक अनु राई, पुष्पा योञ्जङ (यूके ) र कुसुम योञ्जङ (काठमाडौ ) ले संयुक्त रुपमा उर्लाबारी नगरपालिकालाई ३० हजार बरावरको खाद्यन्न सहयोग गर्नुभएको छ । सो सहयोग नगरपालिकालाई यसअघि नै हस्तान्तरण गरिसकिएको हो ।
प्रकाशित | ८ बैशाख २०७७, सोमबार १६:१२
