एजेन्सी: भारतीय जनता पार्टी भाजपाले चुनावी घोषणापत्र सार्वजनीक गरेको छ । आगामी लोकसभा चुनावका लागि पार्टीको घोषणापत्र सार्वजनिक गरेको हो । । भाजपाले सो घोषणापत्रलाई सङ्कल्प पत्र नाम दिएको छ ।
भाजपाले घोषणापत्रमा वर्ष २०४७ सम्म स्वतन्त्रताको सय वर्षभित्र भारतलाई विकासशीलबाट विकसित मुलुकमा रुपान्तरण गर्ने उल्लेख गरेको छ । घोषणापत्र सार्वजनिक कार्यक्रममा प्रधानमन्त्री नरेन्द्र मोदीले पार्टीको प्रेरणा ‘राष्ट्रियता, समावेशिता र असल सरकार’ मन्त्र भएको बताउनुभएको छ ।
प्रधानमन्त्री मोदीले देशका लागि आफ्नो पार्टीको समयसीमाभित्र पूरा गरिसक्ने ७५ ओटा परिभाषित लक्ष्य भएको बताउनुभयो । उहाँले ती सबै लक्ष्य आगामी २०२२ सम्म पूरा गरिसक्ने तयारी गरेको दाबी गर्नुभएको छ ।
भाजपाका अध्यक्ष अमित शाहले मोदी सरकारको पाँच वर्षको अवधि भारतका लागि एउटा युग भएको बताउनुभएको छ । मोदी नेतृत्वले देशलाई भ्रष्टचारमुक्त सरकार दिएको उहाँको भनाइ छ ।
प्रकाशित | २५ चैत्र २०७५, सोमबार २०:३३
