भक्तपुर : सूर्यविनायक नगरपालिकाले निवर्तमान जनप्रतिनिधिहरुको बिदाई गरेको छ । २०७४ बैशाख ३१ गते निर्वाचित भई गत जेठ ५ गतेदेखि कार्यकाल सकिएका जनप्रतिनिधिहरुलाई आज सम्मानसहित विदाई गरिएको हो ।
नगर प्रमुख बासुदेव थापाले निवर्तमान जनप्रतिनिधिहरुलाई सम्मान तथा बिदाई गर्नु भयो ।
कार्यक्रममा संघीय सांसद महेश बस्नेत, जिल्ला समन्वय समितिका प्रमुख ईश्वर थापा, नगर उपप्रमुख सरिता तिमिल्सिना भट्टराईलगायत वडाध्यक्षहरु, नगर कार्यपालिका सदस्यहरुको सहभागिता थियो ।
नगरसभाका ५४ सदस्यमध्ये यसपटक ३८ जना बिदा भएका थिए भने १६ जना दोहोरिएका थिए ।
प्रकाशित | १५ असार २०७९, बुधबार २२:३५
