काठमाडौं – नेपालमा पछिल्लो २४ घण्टामा देशभर १ हजार ९ सय ४८ जना कोरोना संक्रमित थपिएका छन्। पछिल्लो २४ घन्टामा गरिएको ९ हजार २१० जनाको पिसिआर परीक्षणमा १ हजार ९ सय ४८ जना थपिएका हुन । यो सहित कुल संक्रमितको संख्या २ लाख २६ हजार २६ पुगेको छ।
स्वास्थ्य तथा जनसंख्या मन्त्रालयका अनुसार देशभर ३ हजार १ सय ४० जना संक्रमणमुक्त भएका छन्। योसँगै संक्रमणमुक्त हुनेको संख्या २ लाख ७ हजार ९९८ पुगेको छ। आज देशभर १६ हजार ६ सय ३९ जना सक्रिय संक्रमित रहेको मन्त्रालयले जनाएको छ।
आज देशभर २८ जना संक्रमितको मृत्यु भएको छ। अहिलेसम्म १ हजार ३ सय ८९ जना संक्रमितको मृत्यु भइसकेको छ।
प्रकाशित | १० मंसिर २०७७, बुधबार १६:२९
