सुनको भाउ तोलाको ९८ हजार नाघ्यो, सुनको भाउ तोलाको एक लाख कट्ने संभावना

काठमाण्डौ : सुनको भाउ तोलाको ९८हजार नाघेको छ । लगातार उकालो लागेको सुनको भाउ आज तोलाको ९८ हजार २ सय रुपैयाँ पुगेको हो । नेपाल सुनचाँदी व्यवसायी महासङ्घका अनुसार हिजो तोलाको ९७ हजार ५ सय रुपैयाँमा कारोबार भएको सुनको भाउ आज तोलामा ७ सय रुपैयाँ बढेको हो ।

महासङ्घ अन्तर्गतको भाउ निर्धारण समितिका संयोजक तेजरत्न शाक्यका अनुसार अन्तर्राष्ट्रिय बजारमा सुनको भाउ आज प्रति औंस १३ डलरले बढेको छ । एक औंसमा दुई तोला साढे ६६ लाल सुन हुन्छ ।

अन्तर्राष्ट्रिय बजारमा सुनको भाउ आज १९ सय ४४ दशमलव ७० डलर प्रति औंस रहेको पनि उहाँले जानकारी दिनुभयो । सुनको भाउ तोलाको एक लाख रुपैयाँ कट्ने संभावना बढेर गएको छ । यस्तै चाँदी आज तोलामा ३५ रुपैयाँ बढेर तोलाको १२ सय ४५ रुपैयाँ पुगेको छ ।


प्रकाशित | १३ श्रावण २०७७, मंगलवार १२:०४

 

 

Leave a Reply

Your email address will not be published. Required fields are marked *