सिन्धुपाल्चोक : कोरोना भाइरसको जोखिम हुन नदिन ल्याइएका अतिआवश्यक स्वास्थ्य सामग्री आज खासा आइपुगेको छ । सरकारको निर्देशनानुसार नेपाली सेनाले चीनबाट जीटुजी प्रक्रियामार्फत खरिद गरेका १० कन्टेनर सामान खासामा आइपुगेको हो ।
तातोपानी भन्सार कार्यालयका प्रमुख लालबहादुर खत्रीका अनुसार सामान आज तातोपानी नाका हुँदै नेपाल भित्रिनेछ । शनिबारसम्म काठमाडौँ पठाउने तयारी छ । केही सामान भने विमानमार्फत ल्याइने बताइएको छ ।
प्रकाशित | २ जेष्ठ २०७७, शुक्रबार १३:४३