चरिकोट: नेपाल घरेलु तथा साना उद्योग महासंघ जिल्ला शाखा दोलखाको अध्यक्षमा पुन जंग बहादुर गुरुङ निर्विरोध चयन हुनुभएको छ । महासंघको २८ औँ साधारण सभा एवम् ७ औँ जिल्ला सम्मेलनले गुरुङको अध्यक्षतामा १८ सदस्यीय नयाँ कार्यसमिति चयन गरेको हो ।
त्यस्तै, महासंघको वरिष्ठ उपाध्यक्षमा पार्वती खड्का, उपाध्यक्षमा भिम बहादुर भुजेल, महासचिवमा धुर्व बस्नेत, कोषाध्यमा ढाल बहादुर भुजेल, कार्यसमिति सदस्यमा पदम बहादुर थामी, नारायण प्रसाद चौलागाई, भेषबहादुर खड्का लगाएत अन्य सदस्य रहनुभएको छ ।
सो अवसरमा नेपाल उद्योग वाणीज्य महासंघमा निर्वाचित हुनुभएका व्यवसायी रामेश्वर मानन्धरलाई सम्मान पत्रले सम्मान गरिएको थियो ।
प्रकाशित | ३० मंसिर २०७७, मंगलवार २१:५६
