काठमाडौं : बिश्वभर रहेका नेपाल क्योकुसिन करातेका पुर्वखेलाडीहरुको संस्था युनाइटेड नेप्लिज क्योकुसिन एडभान्समेन्टको अधिवेसनबाट अध्यक्ष पदमा भीमसेन कार्की चुनीएका छन ।
अनलाइन कन्फरेन्स मार्फ़त यहि मे १७, आइतवारका दिन प्रथम अधिवेसन अधिवेसनबाट संस्थाको अध्यक्ष पदमा कार्की चुनीएका हुन । बिगत दशक भन्दा बढ़ी देखी क्यानाड़ामा बस्दै आएका कार्की पुराना अन्तर्राष्ट्र्यि खेलाडी हुन ।
अधिवेसनले उपाध्यक्षमा बेलायत निवासी पूर्वअन्तर्राष्ट्र्यि खेलाडी सुरज कार्कीलाई उपाध्यक्षमा चुनेको छ । त्यस्तै गरेर अर्का उपाध्यक्ष सुरज श्रेष्ठ अस्ट्रेलियामा बसोबास गर्दै आएका छन । कार्यसमितिको महासचिवमा अमेरिका निवासी मोहन बिष्ट , कोषाध्यक्षमा इन्द्रबहादुर मल्ल रहेका छन ।
बोर्ड मेम्बरहरूमा बहराईनबाट धनबहादुर लामा, अस्ट्रेलियाबाट श्रीराम केसी ,बहराईनबाट ज्ञानबहादुर तमाङ तथा बेल्जियम बाट सुदर्शन सिम्खडा निर्वाचित भएका छन ।
यूएनकाका अनुसार क्योकुशिन करातेका नेपाली खेलाडी बिश्वका ७२ राष्ट्र्मा छन भने हाल अधिवेसन सम्पन्न बोर्डमा १९ जनाको समिति रहेको छ ।
नेपाली फुल कन्ट्याक्ट करातेको बिकास तथा खेलाडीहरुलाई उर्जा दिने उद्देश्यले २०१९ मा यूएनकाको स्थापना भएको थियो । कराँतेको माध्ययमबाट एकै भएका र सँसारभर रहेका क्योकुशिनका खेलाडीहरुको एक आपसको माया, सम्मान र मित्रतालाई कायम राख्दै, नेपालमा वा विदेशमा यस खेलसँग सम्बन्धित खेलाडी तथा प्रशिक्षकहरुलाई सल्लाह, हौसला र सम्मान दिनु संस्थाको मुख्य उद्धेश्य रहेको बताईएको छ ।
कार्कीको पहलमा गत साता कोरोना लकडाउनसंग़ै भारतमा अप्ठेरोमा परेका क्योकुशिन खेलाडीलाई आर्थिक सहयोगको पहल भएको थियो ।
रास्ट्रिय अन्तर्राष्ट्र्यि खेल खेल्न धेरै अभाव र असहयोग झेल्न परेको भएता पनि सम्भावना भएका खेलाडिलाई अवसरको खोजी र सहयोग गर्न बिश्वभरबाट संघको संजाल लागी पर्ने छ ।
प्रकाशित | ५ जेष्ठ २०७७, सोमबार १८:४१
