काठमाडौँ : संस्कृति, पर्यटन तथा नागरिक उड्डयनमन्त्री योगेशकुमार भट्टराईले सामाजिक सञ्जालमार्फत नेपाल भ्रमण वर्ष २०२०, अभियानको प्रभावकारी प्रचारका लागि आम समुदायलाई अपिल गर्नुभएको एकै दिनमा सामाजीक सञ्जालमा भ्रमण वर्षको लोगोले रंगीएको छ । नेपाल भ्रमण वर्ष मूल आयोजक समितिका संयोजकसमेत रहनुभएका मन्त्री भट्टराईले आइतबार मात्र भ्रमण वर्षलाई प्रारम्भिक रुपमा सहयोग पु¥याउनका लागि वेब साइट, फेसबुक, ट्विटर र इन्स्टाग्राममा भ्रमण वर्षको लोगो राखिदिन आग्रह गर्नुभएको हो । उहाँले एक विज्ञप्ति जारी गर्दै भ्रमण वर्ष अभियानलाई सफल बनाउन सबैको सहयोग, समन्वय र सहकार्यको अपेक्षा गर्दै उक्त अभियानलाई विश्वभर पु¥याउनका लागि सहयोगको आह्वानसमेत गर्नुभएको थियो ।
‘स्वदेश तथा विदेशमा रहनुभएका समस्त नेपाली दाजुभाइ, दिदीबहिनीले नेपाल भ्रमण वर्ष, २०२० अभियानलाई प्रारम्भिक रुपमा सहयोग गर्नका लागि सामाजिक सञ्जाललगायतमा यस अभियानको लोगो राखी दिनहुन तथा सार्वजनिक एवम् निजी क्षेत्रका सङ्घसंस्थाले पनि यस कार्यलाई उत्साहका साथ दिनहुन हार्दिक अनुरोध गर्दछु’, मन्त्री भट्टराईद्वारा जारी विज्ञप्तिमा भनिएको थियो । मन्त्रीको त्यो आह्रवान एक दिन नबित्दै सामाजीक सञ्जालमा भ्रमण वर्षको लोगो रगीएको हो ।
प्रकाशित | २७ श्रावण २०७६, सोमबार ११:२७
